САД и Иран денеска продолжија со меѓусебни напади, при што Вашингтон соопшти дека погодил десетици ирански воени цели, додека Техеран објави дека извел напади врз американски бази во Јордан, Бахреин и Кувајт

САД и Иран денеска продолжија со меѓусебни напади, при што Вашингтон соопшти дека погодил десетици ирански воени цели, додека Техеран објави дека извел напади врз американски бази во Јордан, Бахреин и Кувајт.

Американската Централна команда (CENTCOM) соопшти дека цел на нападите биле ирански системи за противвоздушна одбрана, крајбрежни радари, ракетни системи, беспилотни летала, како и помали пловни објекти.

Од друга страна, Иранската револуционерна гарда соопшти дека извела напади врз базите што ги користат американските сили во Јордан, Бахреин и Кувајт, пренесуваат иранските државни медиуми.

- Advertisement -

Техеран оцени дека дипломатските напори за смирување на кризата се „сведени на нула“, што дополнително ги зголеми стравувањата од натамошна ескалација на конфликтот.

Воените дејствија веднаш се одразија и врз светските пазари на енергенси. Цената на северноморската нафта „брент“ за испорака во септември порасна за 3,85 проценти и достигна 78,94 долари за барел, додека американската лесна сурова нафта за испорака во август поскапе за 3,84 проценти, на 74,15 долари за барел.