Киев ја менува стратегијата, приоритет е оружјето од САД

Претседателот на Украина, Володимир Зеленски, денеска изјави дека предложил смена на премиерката Јулија Свириденко.

„Благодарен сум ѝ на Јулија за нејзината јасна, доследна и ефикасна работа на функцијата премиерка, како и за годините на нејзината продуктивна работа во тимот на Украина, а ѝ понудив можност да раководи со нова и важна област во односите со клучен партнер“, наведе Зеленски на мрежата Икс.

Тој истакна дека очекува оти ќе бидат спроведени соодветни промени во Владата на Украина.

- Advertisement -

„Украина ја менува својата политичка стратегија. Секоја приоритетна област од надворешната политика ќе биде доделена на одредено лице со значително искуство, кое е способно да го спроведе она за што ќе се договориме на ниво на лидери и она што го очекува украинскиот народ. Најважните од овие области ги вклучуваат Соединетите Американски Држави и нашите договори за лиценци за производство на системите ’Патриот‘, како и другата билатерална безбедносна соработка која мора да се преточи во јасни придобивки за нашите земји и за украинските и американските компании“, нагласи Зеленски.

Тој исто така наведе дека на Украина ѝ е потребен јасен напредок кон членството во ЕУ.