Најмалку 11 мртви, 19 исчезнати во катастрофален шумски пожар во Шпанија

Најмалку 11 лица загинаа, осум се повредени, а најмалку 19 се уште се водат како исчезнати во шумски пожар во југоисточната шпанска покраина Алмерија, поточно во градот Лос Гаљардос. Тоа е досега најдеструктивниот пожар во Андалузија.

Шумски пожар избувна во шпанската општина Лос Гаљардос, североисточно од Алмерија, во четврток попладне, при што загинаа најмалку 11 лица, осум беа повредени, а најмалку 19 лица се водат како исчезнати, јавува Би-Би-Си.

Некои од жртвите беа пронајдени во возила зафатени од пламен. Сведоците тврдат дека пожарот бил предизвикан од електрична инсталација, а пожарот брзо се проширил во блиската шума. Причината за пожарот сè уште не е потврдена од властите.Како што денес објави андалузискиот министер за вонредни ситуации, Антонио Санц, повеќето од жртвите се странци, а властите сè уште ги потврдуваат идентитетите на жртвите.

- Advertisement -

Приближно 150 пожарникари се бореа со пожарот во селото Бедар. Меѓу повредените беше едно лице кое беше однесено во болница поради вдишување чад, а друго кое претрпе изгореници. Четири лица беа згрижени за помали изгореници и проблеми со дишењето.

Според службите за итни случаи, 1.000 жители мораа да бидат евакуирани. Шпанската воена единица за итни случаи, која се активира во случај на поголеми вонредни ситуации, ќе оди во Лос Галардос за да им помогне на пожарникарите, објавува и Би-Би-Си.

Шумски пожар во Алмерија
Според Санц, министерот за здравство и вонредни ситуации, ова е најразорниот пожар во Андалузија досега. „Болката е огромна. Андалузија е во жалост, а нашите срца се со Алмерија и сите погодени“, додаде тој.

Шпанскиот премиер Педро Санчез изрази „длабока тага и очај поради ужасните последици од пожарот“ во објава на мрежата X.

Во јуни, Шпанија ја достигна својата највисока дневна просечна температура од 1950 година, а во некои денови беа регистрирани највисоките температури во историјата за месецот. Во некои делови од земјата се предвидуваат температури до 42 степени Целзиусови. Од почетокот на годината, шумските пожари во земјата уништија повеќе од 50.000 хектари земја.