Албански државјанец е лишен од слобода на граничниот премин „Деве Баир“, откако при претрес на товарно возило со кое управувал биле пронајдени 24 пакувања со марихуана

Албански државјанец е лишен од слобода на граничниот премин „Деве Баир“, откако при претрес на товарно возило со кое управувал биле пронајдени 24 пакувања со марихуана.

Случајот се случил на 8 јули 2026 година околу 20:00 часот, на излез од државата, кога полициски службеници при гранична контрола и претрес на товарно возило „Волво“ со албански национални ознаки пронашле наркотична дрога.

Според информациите од полицијата, дрогата била скриена во кабината на влекачот, кој бил управуван од Ч.А. (40) од Република Албанија.

- Advertisement -

Полициските службеници ја одзеле пронајдената марихуана, а лицето било лишено од слобода.

За случајот бил известен јавен обвинител, а Ч.А. бил задржан во полициска станица за понатамошна постапка.

По целосно документирање на случајот, надлежните органи ќе преземат соодветни мерки.