Мицкоски очекува за 2,5 денари поскап дизел и за околу еден денар поскап бензин

Премиерот Христијан Мицкоски очекува утре да се зголеми цената на дизелот за околу 2 до 2,5 денари за литар и околу денар за бензините, но, остава Регулаторната комисија за енергетика да ја каже точната цена на горивата.

Очекувањето за новите цени, како што рече , го темели на тоа што изминатата седмица има зголемување на цената на нафтата од околу 5 до 6% на светските берзи и благо зголемување на цената на бензините за 2 до 3%.

-Но, и покрај тоа што станува збор за берзански производ, повторно остануваме убедливо држава со најниски цени на дизел горивата и на бензините – додаде претседателот на Владата одговарајќи на новинарски прашања по поставување камен-темелник на изградба на објект во рамки на Спортскиот центар „Јасминʼʼ во Кавадарци.