Едногласен став: Членка на ЕУ ја укина забраната за нуклеарно оружје?

Литванскиот претседател Гитанас Науседа изјави во четврток дека постои „практично едногласна“ поддршка меѓу партиските лидери за укинување на забраната за нуклеарно оружје во земјата.

„Мислењата беа практично едногласни. Речиси сите лидери на парламентарните фракции го изразија ставот дека Членот 137 е застарен и не само што треба да се измени, туку и да се отстрани“, изјави Науседа за новинарите, осврнувајќи се на делот од литванскиот устав што забранува нуклеарно оружје и странски воени бази, објави Политико.

Зборувајќи по состанокот со лидерите на парламентарните фракции, Науседа посочи дека законодавното тело наскоро ќе разгледа измена на законот. Вилнус, верен сојузник на Украина, претходно изрази интерес за сместување на американско нуклеарно оружје во својата потрага по одвраќање на соседна Русија.

- Advertisement -

Литванија се приклучи на НАТО во 2004 година, а Науседа рече дека парламентарните лидери на земјата не сакаат да бидат во „сива зона“ во рамките на воениот сојуз како една од ретките земји што сè уште забрануваат нуклеарно оружје. Финска укина слична забрана минатиот јуни.

„Денес, 35 години подоцна, ситуацијата е поинаква. Како членки на НАТО, имаме право, должност и желба да бидеме полноправни и рамноправни членки на НАТО. Примарното средство за одвраќање е нуклеарното одвраќање“, рече Јуозас Олекас, претседател на литванскиот парламент.

Фајненшл тајмс претходно објави дека САД разговарале за распоредување нуклеарни боеви глави во земјите на источното крило на НАТО. Нуклеарното оружје на САД моментално се наоѓа во воени бази во Велика Британија, Германија, Италија, Турција, Белгија и Холандија.