Кремљ ипраќа сигнал „до Киев и неговите западни спонзори“

Русија е подготвена да ги продолжи преговорите со Украина точно таму каде што застанаа, изјави денеска рускиот заменик-министер за надворешни работи, Михаил Галузин.

– Подготвени сме да ги продолжиме преговорите точно таму каде што застанаа. Меѓутоа, за тоа е потребна политичка волја не само од Киев, туку и од неговите западни спонзори, кои се главните корисници од кризата – изјави Галузин.

– Ние не станавме од масата, украинската страна го направи тоа, и тоа повеќе од еднаш – заклучи Галузин.

- Advertisement -

Агенцијата потсетува дека минатата недела, на состанок со владата, рускиот претседател Владимир Путин постави четири темели за дијалог со Украина: Истанбулските договори, модалитетите од Енкориџ, реалноста на теренот и принципите што ги презентираше во говорот што го одржа во Министерството за надворешни работи пред две години.

Оваа година, Русија и Украина одржаа три рунди состаноци со учество на американската делегација, а последните разговори се одржаа во Женева на 17 и 18 февруари.