Откри што правела секоја вечер во последните 12 години

Познатата шпанска актерка Пенелопе Круз откри необично хоби на кое посветува часови секоја вечер, а нејзиното признание целосно ги шокираше нејзините холивудски колеги.

За време на неодамнешното интервју за  Тhe New Yorker по повод промоцијата на новиот филм „The Invite“, Пенелопе Круз сподели тајна што ја чува со години пред колегите Оливија Вајлд и Сет Роген.

Излезе дека нејзина главна страст зад камерите нема никаква врска со филмската индустријата, туку со медицинската литература на која троши часови секоја вечер во последните дванаесет години.

- Advertisement -

Сè започнало во детството кога нејзина опсесија била да биде докторка. Нејзината омилена игра била „вакцинирање“ кукли со стари игли за инсулин што ги добила од нејзината баба. Иако самата призна дека можеби звучи малку чудно, таа рана фасцинација со човечкото тело со текот на времето прераснала во посериозно хоби.

-Студирам медицина секоја вечер во последните 12 години. Книгите за ендокриниот систем што се дебели неколку стотици страници ме прават неверојатно среќна – рече Круз.
Кога изненадената Оливија Вајлд ја праша дали всушност студира за докторка, шпанската ѕвезда потврди дека тоа е само хоби во кое необјасниво ужива пет до шест дена во неделата, со часови.

Роген веднаш се надоврза на нејзината исповед, шегувајќи се нарекувајќи ја „доктор аматер“. Разговорот ги охрабри другите актери да ги споделат своите хобија, па Роген призна дека ужива во изработката керамика во слободното време. Од друга страна, Вајлд откри дека страсно собира фигурини, па дури и поседува намалена верзија на оригиналниот сет од култната серија „Seinfeld“.

Нивниот заеднички филм „The Invite“ е комедија за вечера што тргнува сосема наопаку откако еден пар ги поканува своите необични соседи и е американска адаптација на шпанскиот филм од 2020 година „The People Upstairs“.