Најмалку четири лица се повредени во земјотресот со јачина од 7,2 степени што го погоди регионот Тохоку во североисточна Јапонија синоќа

Најмалку четири лица се повредени во земјотресот со јачина од 7,2 степени што го погоди регионот Тохоку во североисточна Јапонија синоќа, според Јапонската метеоролошка агенција и локалните противпожарни служби.

Во соопштението се наведува дека по земјотресот не е издадено предупредување за цунами, објави Кјодо.

Епицентарот на земјотресот бил во близина на брегот на префектурата Ивате, на длабочина од околу 50 километри.

- Advertisement -

Компанијата „Тохоку Електрик Пауер“ објави дека земјотресот не влијаел врз работата на нуклеарните централи Онагава и Хигашидори.

„Источна Јапанска Рејлеј“ објави дека запрела некои возови по земјотресот.