Кристијано Роналдо повторно влезе во фудбалската историја

Кристијано Роналдо повторно влезе во фудбалската историја. Португалската ѕвезда вечерва во Хјустон постигна два гола во убедливата победа на Португалија над Узбекистан од 5-0 и стана првиот играч кој се запишал меѓу стрелците на шест различни Светски првенства.

Португалија дојде во водство веќе во 6 минута преку Роналдо, кој до крајот на полувремето го постигна и својот втор гол на натпреварот во 39 минута откако претходно Мендеш беше прецизен од слободен удар во 17 минута.

По еден час игра Португалија имаше водство од 4-0, кога Нематов ја затресе сопствената мрежа, а конечниот резултат го постави Леао во 87 минута.

- Advertisement -

Роналдо вечерва дојде до бројката од десет голови на светските првенства од кои првиот го постигна на 17 јуни 2006 година против Иран.

Португалија води на табелата во групата К со четири бодови пред дуелот од последното коло против Колумбија, која претходно утре рано наутро ќе се соочи со третопласираната Гана.