МАКЕДОНИЈА ЌЕ БИДЕ ДОМАЌИН НА ЕВРОПСКОТО ПРВЕНСТВО ВО РАКОМЕТ ЗА МАЖИ ДО 18 ГОДИНИ

Европската ракометна федерација (ЕХФ) официјално го потврди изборот на Македонија за организација на Европското првенство за мажи до 18 години – EHF EURO 2028, објави денеска Ракометната федерација на Македонија (РФМ).

Натпреварувањето ќе се одржи во периодот од 2 до 13 август 2028 година, а ќе претставува можност нашата земја уште еднаш да ја потврди својата организациска подготвеност и посветеност кон развојот на ракометот.

– Одлуката беше донесена од страна на Извршниот комитет на ЕХФ на состанокот одржан на 13 јуни 2026 година, а со тоа Македонија ја доби довербата да биде домаќин на едно од најзначајните младински ракометни натпреварувања во Европа – велат од Федерацијата.

- Advertisement -

Доделувањето на организацијата на ЕХФ ЕУРО 2028 претставува уште едно значајно признание за македонскиот ракомет.