Украински власти: Четири лица загинаа во напад врз фабрика за преработка на храна во близина на Киев

Четири лица загинаа утрово во руски напад со беспилотни летала врз цивилна компанија за преработка на храна која произведува производи за бебешко млеко во градот Бровари во близина на Киев, соопштија локалните власти во Украина на социјалните мрежи.

„Пожар сè уште гори во една зграда, а некои од нејзините структури се делумно уништени“, напиша на Телеграм шефот на регионалната воена администрација, Николај Калашник.

Обвинителството соопшти дека веројатно има и други жртви заробени под урнатините.

- Advertisement -

„Русија повторно покажува дека нејзина цел не се воени цели, туку обични луѓе кои живеат и работат на својата земја“, додаде Калашник.

Украинската војска пријави вкупно две ракети и 216 дронови со долг дострел испукани од Русија во текот на ноќта, прецизирајќи дека соборила 198 дронови.