САД воведуваат нови санкции врз компании поврзани со иранскиот нафтен сектор

САД воведоа нови санкции врз компании, бродови и поединци поврзани со нафтениот сектор на Иран, соопшти Министерството за финансии на САД.

„Министерството за финансии ќе продолжи да го зголемува притисокот врз продажбата на иранска нафта за да им ги одземе на режимот во Иран и на неговата војска финансиските средства да им се закануваат на сојузниците и партнерите на САД на Блискиот Исток. Нема да дозволиме иранската влада да ги зголеми приходите од нафта за да ги обнови своите вооружени сили и воени капацитети“, изјави американскиот секретар за финансии Скот Бесант во соопштението.

Канцеларијата за контрола на странски средства (OFAC) на Министерството за финансии на САД додаде 16 компании, осум бродови и едно лице на својата листа на санкционирани субјекти и поединци.

- Advertisement -

Списокот со санкции вклучува осум компании од Кина, три од Обединетите Арапски Емирати, две од Маршалските Острови и по една од Катар, Индија и Сингапур.