Вооружен напаѓач на југот на Турција уби четири лица, а рани осум

Вооружен напаѓач на југот на Турција уби четири лица, а рани осум, јавуваат локалните медиуми.

Нападот се случи во округот Тарсус, во провинцијата Мерсин, објавија турскиот весник „Хуриет“ и телевизијата „Си-Ен-Ен Турк“. Според извештаите, пукањето започнало во ресторан, а осомничениот, за кого се претпоставува дека е 17-годишник, побегнал со автомобил, пренесува Би-Би-Си.

Полицијата, со поддршка на хеликоптери, веднаш покрена опсежна потрага по него.

- Advertisement -

Турските медиуми јавуваат дека две лица биле убиени во самиот ресторан, а се верува дека станува збор за сопственикот и еден вработен. Напаѓачот потоа го продолжил пукањето надвор, при што убил овчар во близина и еден возач на камион.

Мотивите за нападот засега остануваат непознати.