Израелците ја повлекоа контроверзната објава за девојките од „Лелек“

Израелската телевизија KAN, која доби предупредување од Европската радиодифузна унија пред самиот Евровизиски натпревар поради рекламите во кои нејзиниот претставник Ноам Бетан моли за сите десет гласови од еден број, објави на својот Инстаграм профил инсерт од настапот на хрватските претставници „Лелек“ со текст: „Како жена што претерала со тетоважи од кана во Ејлат“, алудирајќи на тетоважите на лицата и рацете на девојките.

Обожавателите на Евровизија го сфатија потегот на КАН како навредлив и понижувачки, што доведе до низа коментари и многумина го осудија однесувањето на израелската телевизија.

– Ова е толку одвратно. Израел треба да биде дисквалификуван, а КАН треба да им се извини официјално на Лелек и на Хрватска!

- Advertisement -

– Евровизија е прослава на културата, а не исмејување на другите!

– Како национална телевизија, овие коментари се под секое ниво на професионализам!

– Смешно е како се жалите ако некој се потсмева на израелски настап, но во ред е кога се потсмевате на песна што има прекрасно и многу подобро значење од Мишел.

– Значи целиот свет мора да го почитува Израел, но Израел не мора да почитува никого. Тоа има име и тоа е лошо – се дел од коментарите.

Групата Лелек, исто така, реагираше на објавата со кратка објава на Инстаграм, изразувајќи незадоволство од непрофесионалните коментари.

– Ние сме вознемирени од коментарите на израелската јавна телевизија КАН, кои ја исмеваа нашата култура и жртвите на угнетените католички жени. Особено е вознемирувачки да се исмејуваат жени кои пеат за болката и страдањето на жените, притоа покажувајќи целосен недостаток на емпатија и почит кон страдањето на другите – напишаа девојките од Лелек.

КАН ја отстрани оригиналната објава откако таа стоеше на Инстаграм речиси 20 часа.

Официјално извинување од КАН сега е објавено на социјалната мрежа X.

– КАН веднаш ја отстрани објавата. Никогаш не ни беше намера да ја навредиме хрватската делегација или хрватската јавност. Се извинуваме за објавата и ќе го пренесеме ова извинување до шефот на хрватската делегација – соопшти израелската телевизија.

Извинувањето доаѓа откако хрватскиот настап привлече големо внимание низ цела Европа. Оваа година, ЛЕЛЕК ја претставуваше Хрватска со песната „Андромеда“, која комбинира етно елементи и современи поп звуци и се осврнува на болката, слободата и историското наследство на жените.