13 ПОВРЕДЕНИ ВО УКРАИНСКИ НАПАД ВРЗ РУСКИОТ ГРАД БРЈАНСК

Тринаесет лица, меѓу кои и едно дете, се повредени во украински напади врз станбени згради во рускиот град Брјанск, на околу 100 километри од руско-украинската граница, соопшти локалниот гувернер Александар Богомаз.

Според Богомаз, оштетени се 20 станбени објекти и 40 возила.

Веста за нападите доаѓа еден ден откако Украина ги осуди руските напади врз својата територија, и покрај предложеното примирје од Киев, ветувајќи „симетричен“ одговор на секое прекршување.