Тежок инцидент ја потресе индиската држава Керала. Слон дивееше, при што едно лице го загубило животот

Тежок инцидент ја потресе индиската држава Керала. Слон дивееше, при што едно лице го загубило животот. Драматичните сцени брзо се проширија на социјалните мрежи. На снимките се гледа како слонот уништува возила и корне дрвја.

Слонот, идентификуван како Мајјанад Партасарати, бил донесен во храм во близина на Кидангоор. Во еден момент се ослободил од оковите и станал агресивен.

Потоа започнал да дивее низ околината. На видеата се гледа како превртува автомобил и оштетува мотоцикли. Во еден момент искорнал и дрво.

- Advertisement -

Луѓето панично бегале за да се спасат.

Во инцидентот загинал возачот на камионот кој го транспортирал слонот. Едно лице кое се обидувало да го смири било повредено.

Повредениот бил пренесен во болница.

Локалните служби за шумарство интервенирале и по неколку часа го совладале животното со средства за смирување.

Според локални извори, слонот претходно бил сметан за мирен. Учествувал на традиционални фестивали.