Ветер и врнежи, па постепено смирување

Променливо облачно време со повремени врнежи од дожд во претпладневните часови, а потоа постепено разведрување, ваква е прогнозата за времето според Управа за хидрометеоролошки работи.

Во текот на денот ќе дува умерен, на моменти засилен ветер од северен правец, кој на одредени места ќе достигнува брзина и над 60 километри на час.

Утринските температури ќе се движат од 0 степени во Берово до 5 степени во Гевгелија, додека дневните ќе бидат во интервал од 10 степени во Маврово до 20 степени во Гевгелија.

- Advertisement -

Во Скопје ќе преовладува променливо облачно време, со слаб дожд во претпладневните часови. Подоцна облачноста ќе се намалува, а температурите ќе се движат од 4 до 19 степени, проследени со умерен до засилен северен ветер во делови од котлината.

Во наредните денови следува стабилизација на времето. Во понеделник се очекува претежно сончево време со мала облачност и температури до 25 степени, додека во вторник ќе биде сончево со умерена облачност и температури до 27 степени.