ВЛЕГУВА ЛИ АНЕТА ЃОРГИЕВ ВО БИЗНИСОТ НА ИГРИ СО СРЕЌА? По фотоволтаиците и банките , нов чекор во деловната експанзија

Охридскај, 2026

I. ЖЕНАТА НА ИЛИЈАДА ФИРМИ  И НОВИ АПЕТИТИ

Анета Ѓоргиев не е непознато лице за следбениците на Охридскај. Партнерката на бегалецот Васко Ковачевски , поранешен директор на Електрани на Северна Македонија, кој денес ужива во странство под меѓународна потерница , е лице чии деловни траги се оставени насекаде во Централниот Регистар на РСМ.

- Advertisement -

Управителка на ИНТЕР ДИГИТАЛ ЕНЕРЦИ ДООЕЛ Битола , фирма за производство на електрична енергија, поврзана со Ковачевски, денес со статус НЕАКТИВНА по неговото бегство. Управителка на ИНТЕР ДИГИТАЛ ЛТД ДООЕЛ Битола. Содружник во 77 СОФТ ДОО Битола. Неизвршен член на Одборот на директори на ЗК Пелагонија, каде претседател е Цветан Панделевски — Пелистерка. Акционер во Стопанска Банка АД Битола, заедно со истиот Панделевски.

Сето тоа беше познато. Но сега, редакцијата на Охридскај добива информации дека деловната приказна на Ѓоргиев не застанува тука.

II. ФОТОВОЛТАИЦИТЕ: БИЗНИС ВО СЕНКАТА НА БЕГАЛЕЦОТ

Редакцијата на Охридска претходно утврди дека Ѓоргиев имала директна поврзаност со бизнисот на фотоволтаични централи, заедно со Васко Ковачевски и други лица. Фирмата ИНТЕР ДИГИТАЛ ЕНЕРЦИ, регистрирана токму за производство на електрична енергија, беше еден од инструментите на таа деловна конструкција.

По бегството на Ковачевски, фирмата доби статус НЕАКТИВНА,а фотоволтаиците активни. Но прашањата останаа: кој го оплодуваше капиталот додека Ковачевски беше на бегство? Каде завршија средствата? Дали УЈП извршил увид?

Одговори , до денес , нема.

III. СЕГА , ИГРИ НА СРЕЌА: НОВ ПАРТНЕР, СТАРА ШЕМА

Според нови информации до кои дојде редакцијата на Охридскај, Ѓоргиев сега наводно го менува деловниот правец. Се раздружува со Цветан Панделевски – Пелистерка и влегува во бизнисот на организација на игри на среќа , сектор строго регулиран, со посебен надзор на државните институции.

Според изворите, Ѓоргиев ги продава своите акции во ЗИК Пелагонија и како содружник влегува во дејноста на приредување игри на среќа. Деловната логика е јасна , средствата се преместуваат, акциите се претвораат, а новата позиција носи поинаков тип на влијание и профит.

IV. НЕ Е ПРВО: ПОЗАЈМИЦИ КАКО СКРИЕН ВЛЕЗ

Но ова не е прв допир на Ѓоргиев со секторот на игри на среќа. Редакцијата на Охридскај утврди дека по пат на позајмици, Ѓоргиев веќе имала финансиски влез во компанија која приредува игри на среќа.

Позајмиците, иако на прв поглед легален инструмент, во практиката честопати се користат за прикриен влез во компании , без јавно пријавување на интерес, без транспарентност, без регулаторен надзор. Каматните стапки, природата на договорите и правниот статус на тие позајмици остануваат надвор од јавниот увид.

Дали УЈП имал увид во овие текови? Дали биле пријавени кај Управата за финансиско разузнавање? Ѓоргиев упорно молчи.

V.  БИТОЛСКИОТ ФИНАНСИСКИ МРАК

Во нашата аналитичка објава „Двете лица на битолскиот финансиски мрак: Анета Ѓоргиев и Даница Џутевска”, редакцијата детално ги разработи деловните поврзаности на Ѓоргиев , нејзината улога во трансакциите поврзани со ЗОИЛ Македонија АД Битола, нејзините врски со АЛТА Банка АД Белград и со кругот на луѓе кои стојат зад брзите финансиски трансакции во битолскиот деловен свет.

Ѓоргиев не е осудено лице. Против неа, во моментот на пишување на овој текст, нема јавно потврдени обвиненија. Но нејзините деловни траги , во фирми поврзани со бегалец, во банки кои се продаваат под сомнителни околности, сумнително купување на ЗОИЛ Бтитола-влез во брокерски осигурителен бизнис ,во позајмици кон казино компании, а сега и во директен влез во организација на игри на среќа , создаваат слика која бара институционален одговор, не институционална тишина.

А во нашата аналитичка студија „Скандал во срцето на системот: Димитриеска-Кочоска и Елена Петрова , соучесништво или институционална немарност?”, ги разработивме законските рамки и одговорноста на надзорните тела  и , констатиравме дека системот за спречување перење пари располага со алатки, но не ги користи.

VI. ПОВИК ДО ИНСТИТУЦИИТЕ

Редакцијата на Охридскај јавно и повторно ги повикува:

Управата за јавни приходи (УЈП) , да ги провери финансиските текови, позајмиците и деловните поврзаности на Ѓоргиев, особено во однос на компании кои приредуваат игри на среќа, да утврди дали постои соодветен даночен отпечаток за прометот поврзан со сите нејзини фирми и поврзани субјекти;

Финансиската полиција , да изврши детален увид во трансакциите и да утврди дали постојат белези на заобиколување на законски обврски, прикриено стекнување деловен интерес или движење на средства со нејасно потекло;

Јавното обвинителство за организиран криминал и корупција (ЈО ГООК) , да ја испита целокупната деловна активност на Ѓоргиев, вклучувајќи ги фотоволтаиците, позајмиците, акционерствата и наводното влегување во бизнисот со игри на среќа , во контекст на нејзините врски со лице под меѓународна потерница.

VII. ПАРИТЕ НЕ МОЛЧАТ

Анета Ѓоргиев може да молчи. Институциите може да молчат. Но деловните регистри зборуваат. Трансакциите оставаат трага. А редакцијата на Охридскај ќе продолжи да ги следи тие траги , за да може јавноста да знае она што системот се труди да го скрие.

Прашањето не е само влегува ли Ѓоргиев во бизнисот со игри на среќа. Прашањето е, со чии пари, со чие знаење и со чија заштита?

Напомена: Текстот се заснова на информации до кои дојде редакцијата и претходно објавени истражувачки и аналитички материјали на Охридска. Тврдењата за конкретни лица претставуваат новинарски наоди кои подлежат на истрага и судска верификација. Против наведените лица во моментот на објавата нема јавно потврдени обвиненија.

Сашо Денесовски / Редакција Охридскај