Европската комисија подготви пакет мерки за справување со енергетската криза

Над 22.000 евра штета од украдена електрична енергија открија екипите на Електродистрибуција при контрола во деловен комплекс на Попова Шапка. Акцијата била спроведена во координација со полицијата од СВР Тетово.

Контролата покажала дека електричната енергија се користела незаконски, преку кабловски разводен ормар, а бил поставен и директен приклучок со нисконапонски кабел. Со ваквиот начин, струјата се користела без да се евидентира потрошувачката.

Од Електродистрибуција информираат дека веднаш биле преземени мерки.

- Advertisement -

– При контролата констатиравме противправно користење на електрична енергија преку кабловски разводен ормар, како и директно неовластено приклучување со нисконапонски кабел. Составен е записник за неовластено користење, поднесена е пријава до МВР, а изготвена е и фактура за надомест на штета во износ од 1.361.599 денари – велат од Електродистрибуција.

Случајот е пријавен во полиција, а против сторителите ќе се постапува согласно член 235-а од Кривичниот законик.