Ормутскиот теснец е прогласен за целосно отворен за комерцијален сообраќај

Ормутскиот теснец е прогласен за целосно отворен за комерцијален сообраќај, соопшти иранскиот министер за надворешни работи Абас Арагчи.

Тој објави дека одлуката важи во периодот на прекинот на огнот, додавајќи дека преминот ќе биде достапен за сите трговски бродови по однапред координирана рута.

„Во согласност со прекинот на огнот во Либан, преминот за сите комерцијални бродови низ Ормутскиот теснец е прогласен за целосно отворен за преостанатиот период од примирјето, по координираната рута како што веќе беше објавена од Организацијата за пристаништа и поморство на Исламската Република Иран“, напиша Арагчи на социјалната мрежа X.

- Advertisement -

По објавата реагираше и поранешниот американски претседател Доналд Трамп, кој кратко напиша „Ви благодарам!“ на социјалните мрежи.

Според информациите, двонеделното примирје меѓу Иран и САД треба да заврши на 22 април. Отворањето на Ормутскиот теснец се смета за значаен чекор бидејќи станува збор за една од најважните поморски рути за глобалната трговија со нафта.