Танкер под санкции на САД поминува низ Ормускиот теснец!

Танкер под санкции на САД помина низ Ормутскиот теснец во вторник и покрај блокадата на клучната бродска линија од страна на САД, покажаа податоците за сообраќајот на бродови на LSEG, објави Ројтерс.

„Рич Стари“ е во кинеска сопственост и екипаж, а носи околу 250.000 барели метанол, покажаа податоците.

Соединетите Американски Држави претходно воведоа санкции врз танкерот и неговиот сопственик, „Шангај Сјуанрун Шипинг Ко Лтд“, поради работење со Иран.Централната команда на САД (CENTCOM) претходно објави дека блокадата на сите бродови што влегуваат или излегуваат од иранските пристаништа во Персискиот Залив и Оманскиот Залив ќе започне во понеделник во 16 часот по средноевропско време. Товарот на „Рич Стари“ беше натоварен во Хамрија во Обединетите Арапски Емирати, што беше и последното пристаниште на бродот.