Дали автомобилите ќе поевтинат?

Жестоката кинеска конкуренција во Европа би можела да предизвика ист тренд како во Кина

Кина е еден вид бојно поле каде што се судираат повеќе од 150 производители на автомобили. На крајот, сè се сведува на жестока ценовна војна, т.е. големи попусти и неизвесност на пазарот. Имено, прашањето е кој ќе го преживее овој хаос и кој може да издржи подолго работејќи без сериозни заработки.

Сепак, ако го слушаме извршниот директор на Волво, истиот тренд би можел да се прошири на европскиот континент и на пазарот.

- Advertisement -

– Да, веројатно можете да сметате на тоа. Бидејќи има повеќе понуда отколку побарувачка. Тука во Европа, постои голема можност да видиме многу нови Кинези – вели извршниот директор на Волво Карс, Хокан Самуелсон, пишува HAK Revija.

Тој забележува дека компаниите можеби ќе мора да ги намалат цените и во Европа:

– Но, тоа можете да го комбинирате и со намалување на трошоците.

Жестоката кинеска конкуренција во Европа би можела да предизвика ист тренд како во Кина. На почетокот, клиентите можеби ќе бидат задоволни, но тоа би можело да резултира и со неизвесност во европската автомобилска индустрија, што, да се користи медицинска терминологија, не е во најдобра здравствена состојба.

Дали европските производители како што се Фолксваген, Рено, Пежо, Фиат, Шкода…, но и Тојота, Хјунда и Киа ќе бидат вовлечени во ценовна војна? Времето ќе покаже, единственото нешто што е сигурно е дека по BYD, MG, Lepamotor…, бројот на кинески производители на европскиот пазар ќе расте.