Белата куќа: Примирјето со Иран е победа за САД

Портпаролката на Белата куќа, Каролин Ливит, го поздрави двонеделното примирје во војната со Иран, нарекувајќи го договорот „победа“ за Соединетите Американски Држави.

– Ова е победа за Соединетите Американски Држави овозможена од нашиот претседател (Доналд) Трамп и нашата војска, напиша Ливит на X.

Таа рече дека успехот на американската војска „создал максимална моќ“, дозволувајќи им на претседателот Трамп и неговиот тим да се вклучат во тешки преговори кои сега го отворија патот за дипломатско решение и долгорочен мир.