Папата Лав XIV остро ги осуди заканите на Доналд Трамп кон Иран, оценувајќи ги како „тотално неприфатливи“ и опасни за човештвото

Папата Лав XIV остро ги осуди заканите на Доналд Трамп кон Иран, оценувајќи ги како „тотално неприфатливи“ и опасни за човештвото. Неговата реакција доаѓа по драматичните изјави на американскиот претседател дека „вечерва ќе умре една цивилизација“.

– Секако, постојат прашања од меѓународното право, но повеќе од тоа. Ова е морално прашање, за доброто на човештвото како целина – изјави Папата.

Тој порача дека заканите не се решение и предупреди дека реториката води кон дополнителна ескалација.

- Advertisement -

Папата ја повтори пораката од велигденската миса.

– Секогаш да бараме мир, а не насилство. Да ја отфрлиме војната – порача тој.

Според него, конфликтот не носи решенија туку само продлабочува страдања и поделби.

– Тоа е знак на омраза, поделба и уништување.

Тој предупреди дека нападите врз цивилна инфраструктура се спротивни на меѓународното право. Првиот човек на Ватикан повика на заштита на најранливите.

Папата апелираше за враќање на преговорите меѓу САД и Иран и ги повика граѓаните ширум светот да вршат притисок врз политичарите.