МАСОВНА ПОЛИЦИСКА АКЦИЈА ПРОТИВ НАРКО ПОДЗЕМЈЕТО ВО ТРИ ГРАДА

Со силно полициско присуство и специјалци од рано утринава се спроведува координирана акција против нарко подземјето во Скопје, Штип, Струмица, како и во селото Грчец, Скопско, објави неофицијално порталот Курир.

На удар е криминална мрежа поврзана со нелегална трговија со кокаин, а според првичните информации се вршат претреси на околу 15 локации и опфатени се повеќе лица од криминалното подземје.

Неофицијално, според Курир, во рацете на полицијата наводно паднале и имиња добро познати во криминалните кругови, меѓу кои се споменуваат Покрајчевалиев, Бојаџиски, Коцев, Веле.

- Advertisement -

Се очекува официјална потврда од институциите, но ако информациите се потврдат ова ќе значи прилично длабоко „орање“ низ подземјето во последните години, што е е сигнал дека борбата против нарко-криминалот влегува во нова, поагресивна фаза.