„Дебилна аритметика на Никола Мемов: Како ПИОМ продава илузија за историски раст”

Што всушност кажа директорот на ПИОМ Никола Мемов?

Директорот на ПИОМ Никола Мемов со гордост соопшти дека месечната исплата на пензии во март 2026 изнесува 9,65 милијарди денари , за 2,44 милијарди повеќе отколку во септември 2024. Од тоа извлекоа заклучок: „36% раст, каков што немало во последните 20 години.”

Звучи импресивно. Но, да ги погледнеме бројките поблиску.

Грешка бр. 1 – Манипулација со базата за споредба

Споредбата е септември 2024 со март 2026 , период од само 18 месеци, не од „2 години”. Веќе во стартот хронологијата е нечесна и манипулативна.

- Advertisement -

Уште поважно: Зошто септември 2024? Затоа што тој месец беше со исклучително ниска исплатна основа поради административни промени во евидентирањето. Ако базата за споредба е вештачки ниска , секој процент изгледа поголем.

Грешка бр. 2 – Бројот на пензионери расте

ПИОМ никаде не спомна дека вкупната сума се зголемува и затоа што има повеќе пензионери. Македонија старее. Секоја година има нови корисници на пензија. Ако имаш 10% повеќе пензионери и 0% поголема пензија по глава , вкупната исплата пак расте.

Поголема пита поголема парче за секој.

Грешка бр. 3 – Инфлацијата ја изеде „добивката”

Во периодот 2022–2026 кумулативната инфлација во Македонија надмина 25–30%. Ако пензијата номинално порасна за 36%, а цените пораснаа за 28%, реалниот раст е само 6–8% за цели четири години.

Тоа е помалку од 2% годишно реален пораст на куповна моќ. Тоа не е историски успех , тоа е едвај одржување на животниот стандард.

Грешка бр. 4 – „Во последните 20 години немало таков раст”

Ова е класична демагошка реченица. Во 2005–2008 немало раст затоа што системот беше во транзиција. Во 2010–2015 немало раст затоа што владата намерно го замрзна индексирањето. Со други зборови: новиот рекорд постои затоа што претходните години биле намерно лоши.

Да се пофалиш дека скокна највисоко , кога самиот си копал јама претходните 15 години , не е успех. Тоа е корекција на сопствен неуспех.

Грешка бр. 5 – Апсолутна сума наспроти просечна пензија

9,65 милијарди денари / приближно 350.000 пензионери = околу 27.570 денари просечно по пензионер.

Просечната нето плата во Македонија е околу 42.000 денари. Тоа значи дека просечниот пензионер живее на 65% од просечната плата  и тоа по „историскиот раст.”

Комуналии, лекови, храна. Со 27.000 денари. Историски успех?

Заклучок

Директорот на ПИОМ направи она што политичките структури го прават најдобро: земи вистинита бројка, извади ја од контекст и  претворија во пропаганда.

Вистинскиот успех би бил ако просечната пензија го следи реалниот трошок на живот, ако пензискиот фонд е одржлив без буџетски трансфери и ако пензионерите не мораат да бираат меѓу лекови и сметки.

До тогаш , бројките се за пресконференции, а сметките се за пензионерите.

Сашо Денесовски