Скопјанка го пријавила сопругот, ѝ го загрозил животот, но и на нејзините родители

24-годишен жител на Скопје бил приведен откако со нож им се заканувал на сопругата и на нејзините родители, а потоа и физички ги нападнал во нивниот дом.

Од СВР Скопје информираат дека на вчеравечер во 23:20 часот полициски службеници го лишиле од слобода М.С. (24), постапувајќи по претходна пријава од неговата 24-годишна сопруга.

Според пријавата, околу 20:30 часот во домот, додека жената била заедно со нејзините родители, осомничениот со остар предмет им упатувал закани. Потоа, како што наведуваат од полицијата, тој физички ја нападнал сопругата и нејзиниот татко.

- Advertisement -

По целосно документирање на случајот, против него ќе биде поднесена соодветна пријава.