Косовските навивачи со огномет го „нападнаа“ хотелот на гостите

Во пресрет на вечерашниот меч во Приштина помеѓу Косово и Турција вечерва во 20:45 часот, во кој влогот е исклучително висок за двете репрезентации, пласман на Светско првенство, се пукаа огномети на полноќ пред хотелот каде што престојуваше турската репрезентација.

Турците велат дека огнометот бил испален кон прозорците и безбедносните мерки ги оценуваат како несоодветни.

Експлозиите беа доста гласни, а Фудбалската асоцијација на Турција вели дека е разочарана од однесувањето на навивачите на Косово, кои Турција ја сметаат за пријателска земја, но вечерва ќе бидат на тотално спротивни страни.

- Advertisement -

Победникот од овој натпревар на Светското првенство ќе игра во групата Д заедно со Австралија, Парагвај и домаќинот САД.