„Линколн“ е еден од најголемите воени бродови во светот

Иранската новинска агенција ИРНА објави дека ирански крстосувачки ракети го погодиле американскиот носач на авиони „УСС Абрахам Линколн“. Заедно со тврдењето беше објавено и видео кое наводно го прикажува моментот на нападот.

Засега нема официјална реакција од американска страна.

Ова не е првпат Иран да тврди дека го погодил истиот носач. На 1 март, според нив, со четири балистички ракети бил извршен напад врз носачот.

- Advertisement -

Централната команда на САД тогаш ги отфрли ваквите наводи, оценувајќи ги како неточни и пропагандни.

„УСС Абрахам Линколн“ е еден од најголемите воени бродови во светот и дел од класата „Нимиц“, со нуклеарен погон што му овозможува долготрајни операции без дополнување гориво.

Бродот носи повеќе од 60 авиони, вклучувајќи Ф-35, додека неговата ударна група вклучува разорувачи со ракети „Томахавк“ и подморница на нуклеарен погон, што го прави клучен инструмент на американската воена моќ.

Според сателитски снимки потврдени од Би-Би-Си носачот последен пат бил забележан на 15 февруари покрај брегот на Оман.

Недостигот од независна потврда за нападот отвора простор за сомнеж, додека информациите се движат меѓу воени тврдења и можни пропагандни наративи.