Руски дрон погоди електрана во Естонија

Дрон лансиран од Русија погоди оџак на електрана во Естонија, соопшти денес Естонската служба за внатрешна безбедност, според француската новинска агенција АФП. Во меѓувреме, Русија собори речиси 400 дронови кои летаа над земјата од Украина преку ноќ. Претходно, Русија изврши еден од своите најголеми напади врз Украина во вторник со нешто помалку од 1.000 дронови.

Руски дрон погоди оџак на електрана во Естонија, соопшти Естонската служба за внатрешна безбедност (ISS). Никој не е повреден во инцидентот, ниту е оштетена електричната мрежа.„Дрон погоди оџак на електраната Овер. Никој не е повреден во инцидентот“, се вели во соопштението на ISS, додавајќи дека дронот „влегол во естонскиот воздушен простор од рускиот воздушен простор“.

Електраната Овер, управувана од Енефит Пауер, се наоѓа во североисточна Естонија, во близина на градот Нарва на границата со Русија.