Турција не паѓа во поставените стапици, порача Ердоган

Турција ќе продолжи да работи со сите свои ресурси за да воспостави мир во војната на САД и Израел против Иран, рече турскиот претседател Реџеп Таип Ердоган. Тој додаде дека оваа војна дека ги погодила турската економија и целиот свет.

Ердоган вели дека владата разгледува различни мерки за заштита на економијата од војната која го зафати регионот и предизвика нагло зголемување на цените на енергијата.

– Турција низ тековниот блискоисточен конфликт управува внимателно и разумно, со зачувување на братството и соседските односи. Не паѓаме во стапиците што ни се поставени – рече Ердоган во говор по седницата на кабинетот во Анкара.

- Advertisement -

Турција е решена да се држи настрана од огнениот прстен, додаде тој.

– Изминатите 25 дена покажаа дека, иако ова е израелска војна, целиот свет ја плаќа цената. Ова е војна за опстанок на Нетанјаху, но трошоците ги сносат 8 милијарди луѓе. Бескомпромисниот, максималистички и радикален став на Израел не смее да ги поткопа дипломатските решенија – нагласи турскиот претседател.