Четири оператори за храна во домовите за стари лица поради прекршоци од поголем обем ќе треба да платат  1.550 евра, а само од еден оператор поседувал 6 килограми небезбедна храна која е уништена

Топ Вести - Слушај сега

Четири оператори за храна во домовите за стари лица поради прекршоци од поголем обем ќе треба да платат  1.550 евра, а само од еден оператор поседувал 6 килограми небезбедна храна која е уништена.

- Advertisement -

Ова е резултатот од 39 вонредни контроли на инспекторите на Агенцијата за храна и ветеринарство (АХВ) спроведена месецов во домови за стари лица во земјава.

Со контролите е утврдено дека само  еден од операторите за храна не бил регистриран за што му е изречена времена забрана за работа, глоба и даден е налог за негова регистрација во Агенцијата, додека 4 од контролираните домови за стари лица немале спроведено задолжителен здравствен преглед за вработените лица.

-За утврдените недоследности кои се однесувале и на нередовно водење на записи за добра хигиенска и добра производствена пракса, недоставување на увид сертификати за спроведени обуки од областа на хигиената на храна, евиденција за набавки, доцнење со спроведување на задолжителни мерки за дезинфекција, дезинсекција и дератизација и други помали недоследности, издадени се и 3 решенија со наредби за нивно отстранување и две опомени – велат од АХВ.

Од Агенцијата велат дека овие вонредни контроли на домовите за стари лица покажуваат драстично подобрување во последните две години.

– Во вонредните контроли кај домовите за стари лица во ноември 2024 година, инспекторите утврдија дека  14 домови за стари лица не беа регистрирани како оператори со храна во АХВ, а нештетно уништени беа 40 килограми небезбедна  храна. Издадени беа 16 решенија со наредби за отстранување на  утврдени недоследности, а парични казни изречени беа на 18 домови за стари лица – наведоа од АХВ.