ОВАА ЗЕМЈА ВЛЕГУВА ПРВА ВО ЕУ, А НЕ Е ОД ЕВРОПА

Топ Вести - Слушај сега

Францускиот министер за надворешни работи Жан-Ноел Баро изјави дека во иднина не може целосно да се исклучи можноста Канада да се приближи до Европска Унија, но нагласи дека станува збор за поширока политичка дискусија, а не за конкретна иницијатива.

- Advertisement -

Говорејќи на конференцијата „Европа 2026“ во Берлин, Баро посочи дека Унијата станува сè попривлечна за партнери ширум светот поради геополитичките тензии и економската тежина.

– Денес девет земји имаат кандидатски статус. Во иднина може да има и други заинтересирани партнери, дури и надвор од европскиот континент – изјави тој.

Коментарите доаѓаат во период кога европските лидери настојуваат да ја зајакнат улогата на Унијата на глобалната сцена, особено по војната во Украина и кризите на Блискиот Исток.

Сепак, од Европската комисија реагираа дека членството на Канада не е реална опција, иако позитивно ги оцениле резултатите од анкета според која дел од канадските граѓани би поддржале поблиски односи со ЕУ.

Канадскиот премиер Марк Карни исто така ја отфрли можноста за членство.

– Немаме планови да се приклучиме кон Европската Унија – изјави тој на маргините на самит на НАТО.

Наместо тоа, Отава се залага за продлабочување на стратешкото партнерство со европските земји, особено во трговијата, безбедноста и одбраната.