Орбан повторно го предупреди Зеленски

Топ Вести - Слушај сега

Ако украинскиот претседател Володимир Зеленски сака да биде финансиран од Брисел, Украина мора да ги обнови испораките преку нафтоводот „Дружба“, рече денеска премиерот на Унгарија, Виктор Орбан.

- Advertisement -

– Ако нема нафта, нема пари – нагласи Орбан во видео објавено на Фејсбук.

Тој наведе дека денеска разговарал со претседателот на Европскиот совет, Антонио Кошта и со премиерот на Словачка, Роберт Фицо за украинската блокада на испораките на нафта.

Орбан истакна дека ставот на Унгарија останува непроменет.

– Ако Зеленски сака да добие пари од Брисел, мора да ја обнови работата на нафтоводот „Дружба“ – истакна Орбан.

Тој, исто така, ја обвини Украина дека ја користи блокадата на нафтата, за да влијае на домашната политичка ситуација во Унгарија во корист на опозициската партија Тиса.