Двојно убиство во полно бистро ја потресе Германија

Топ Вести - Слушај сега

Две лица биле застрелани во бистро во градот Раунхајм, во близина на Франкфурт, во раните утрински часови, соопшти германската полиција.

- Advertisement -

Според првичните информации, вооружен маж влегол во локалот околу 3:45 часот и отворил оган кон присутните. Двете жртви починале на местото на настанот.

– Напаѓачот влегол во кафулето со оружје и пукал во две лица, кои подоцна им подлегнале на повредите – изјавил полицискиот портпарол Кристоф Шмит од регионалната полиција во Јужен Хесен, пренесува германскиот весник Билд.

По нападот сторителот избегал, а полицијата започнала интензивна потрага. Мотивот за злосторството засега не е познат, ниту какво оружје било употребено.

Надлежните апелираат до граѓаните да пријават секоја информација што би можела да помогне во истрагата.