Мицкоски очекува таа дополнително да се намали годинава

Топ Вести - Слушај сега

Премиерот, Христијан Мицкоски денеска изјави дека земјава има најниска инфлација во регионот. тоа како што рече го потврдија официјалните податоци на Државниот завод за статистика.

- Advertisement -

– Јас тоа повеќе пати го најавив во моите изјави, но еве вчера тоа се потврди дека инфлацијата се спушти под 3%, односно е 2,9%. И е повторно најниска во регионот, би рекол една од најниските, ако се има предвид дека Грција е 3%, Бугарија е 3,5%, Косово да речеме во јануари, за февруари нема податок, е 5,8%, Хрватска исто така веќе отиде над 3,8%, Словачка е 4%, Романија е 9 и нешто проценти. Така што сите оние политики за коишто баравме трпение, полека, но сигурно вродуваат со плод – рече Мицкоски.

Тој рече дека очекува и по утрешниот состанокот со дистрибутерите и синџирите на маркети да се одржи овој тренд на инфлација и да се одржи ценовната стабилност.

-Веќе сите параметри во економијата тоа го кажуваат. Ако ме прашате за мој суд, мислам дека треба да сториме сѐ што е во наша моќ да ја одржиме ценовната стабилност, имајќи предвид уште еден факт дека цените на мало се 1,6% зголемени, што е под 2%,1,5%. Тука се оние цени на храна којашто е процесуирана како ја викаат, но и нормална, тука се зеленчукот, овошјето и останатите, услугите да речеме. Задоволен сум од состојбата на базната инфлација којашто успеавме да ја смириме и сега треба да продолжиме уште повеќе да се движиме во тој опсег. Мислам дека ќе се движиме оваа година меѓу 2 и 3%, доколку нешто непредвидено не се случи, а не зависи од нас- рече Мицкоски.

Тој додаде дека ако потрае војната во Заливот, и ако тоа се движи во насока на предизвикување на последици по човештвото и по светот, тогаш веќе тоа се работи коишто не зависат од нас.

-Но, тоа што зависи од нас како Влада, ние тоа го следиме, преземаме мерки, проактивни сме, го контролираме и не дозволуваме осцилации коишто ќе бидат на штета на граѓаните – рече Мицкоски.