„Каква чест е да чекорам за Александар Меквин“

- Advertisement -

На пистата таа носеше црн мини фустан-сако со нагласен струк и низа копчиња кои дополнително ја истакнуваа нејзината силуета. Под сакото се гледаше висока чипкана јака, која на целокупниот изглед му даваше доза на елеганција.

Комбинацијата беше надополнета со високи црни чизми до колена и мала црна чанта. Со пуштена коса и дискретна шминка, во прв план останаа кројот и деталите на самата облека. Целиот изглед делуваше елегантно, по малку строго и со доза на готски стил, по кој е препознатлива оваа модна куќа.

Актуелната колекција е дело на креативниот директор Шон Мекгир, инспириран од филмот „Безбедна“ (Safe) од 1995 година, во режија на Тод Хејнс. Идејата беше пренесена и во самата сценографија на ревијата, каде гостите беа распоредени во три одделни зони околу централната платформа. Ваквиот концепт создаде атмосфера на заедничко искуство, наместо класичен моден спектакл.

Преку колекцијата беа истакнати препознатливите елементи на брендот: кожни панталони со патенти, мини здолништа и парчиња инспирирани од архивските колекции на модната куќа од деведесеттите години. Дизајнот во голема мера е насочен кон генерацијата З, а меѓу гостите во првиот ред се најдоа и познати имиња како Чапел Роан, Мајхала и Софи Тачер.

Вивијан е најстарата ќерка на Илон Маск и неговата поранешна сопруга Џастин. Родена е како Ксавиер, заедно со нејзиниот брат близнак Грифин во 2004 година во Калифорнија, а се изјасни како трансродова личност на 16-годишна возраст. Две години подоцна поднесе барање за отстранување на презимето Маск, потврдувајќи го лошиот однос со нејзиниот татко. За Teen Vogue, таа изјави: „Воопшто не ми е грижа за него. Иритирачки е што луѓето ме поврзуваат со него“. Вилсон е активна на Инстаграм, каде што ја следат милион луѓе.