Американската сурова нафта надмина 84 долари, брентот се приближува кон 90 долари за барел

Топ Вести - Слушај сега

Цените на нафтата и денеска се во пораст. Цената на американската сурова нафта West Texas Intermediate утрово се зголеми на повеќе од 84,3 долари за барел што е  највисоко ниво од јануари 2025 година,. Суровата нафта Брент, на меѓународната референтна берза утрово изнесува 87,1 долари за барел.

- Advertisement -

Министерот за надворешни работи на Иран, Абас Арагчи, вчера изјави  дека Иран „не бара прекин на огнот“ од САД и Израел, додавајќи дека „не гледаме причина зошто треба да преговараме“.

Дополнително американскиот претседател Доналд Трамп изјави дека е доцна за преговорите кои ги бара Иран и дека цената на горивата е помалку важна од она што значи војната во Иран.

Во меѓувреме Kина почна преговори со Иран да овозможи проток на танкерите со нафта и гас во Ормутскиот теснец. Иранската републиканска армија вчера објави дека ќе ги гаѓа бродовите од САД, Израел и од западните земји кои се обидуваат да поминат низ теснецот.

Аналитичарите велат дека продолжувањето на војната може да значи и нова енергетска криза во светот.