Русија ги повикува сите актери на Блискиот Исток да покажат воздржаност за моменталната ситуација околу Иран

Топ Вести - Слушај сега

Русија ги повикува сите актери на Блискиот Исток да покажат воздржаност за моменталната ситуација околу Иран, рече денеска портпаролот на Кремљ, Дмитриј Песков.

- Advertisement -

Тој апелираше до „иранските пријатели, како и до сите страни во регионот“ да избегнат ескалација и да покажат максимална одговорност.

Песков нагласи дека Москва продолжува да ги развива односите со Техеран.

Зборувајќи за руско-иранските воено-поморски маневри, Песков нагласи дека станува збор за однапред планирани и редовни активности кои се координирани многу порано.

– Ова се редовни вежби кои беа договорени многу порано – им рече Песков на новинарите.

Претходно, медиумите објавија дека високи претставници на националната безбедност го информирале американскиот претседател Доналд Трамп дека војската е подготвена за потенцијални напади врз Иран уште во сабота, но временската рамка за каква било можна акција веројатно ќе се продолжи и по овој викенд.