Некој го запалил скапиот автомобил на српскиот јутјубер и инфлуенсер Бака Прасе, познат по провокациите и сарказмот

Топ Вести - Слушај сега

Некој го запалил скапиот автомобил на српскиот јутјубер и инфлуенсер Бака Прасе, познат по провокациите и сарказмот. Бака Пасе објави видео покрај својот целосно изгорен „Брабус 800 4×4²“ вреден половина милион евра.

- Advertisement -

Засега мотивот за палењето не е познат.

Инфлуенсерот го снимал пожарот од својата тераса во населбата Белград Кеј и објавил видео на Инстаграм. Подоцна ја споделил и верзијата на ТикТок.

Возилото било уништено речиси до непрепознатливост, со деформирана каросерија и пеплосана внатрешност.

– Оглас за автомобил „брабус 800 4×4“, прв сопственик. 2022 година. Треба малку полирање и е како нов. Во возна состојба. Ентериер по нарачка. Ако сте заинтересирани, пишете ми во директна порака – вели инфлуенсерот низ смеа на снимакта.

Под видеото следеле низа коментари.

„Дали има греење на седиштата?“, прашал еден корисник.

„Има, но отидоа предалеку“, напишал познатиот јутјубер.

Овој модел важи за една од најмоќните и најлуксузни верзии на теренски возила на пазарот. Бака Прасе го купил пред 3 години, но подоцна признал дека се кае за инвестицијата и дека размислувал да го врати.