Џими Лаи осуден на 20 години затвор

Топ Вести - Слушај сега

Суд во Хонг Конг денес го осуди медиумскиот тајкун и еден од најгласните критичари на Пекинг, Џими Лаи, на 20 години затвор откако беше прогласен за виновен за прекршоци поврзани со националната безбедност минатиот декември, објави денес Би-Би-Си.

- Advertisement -

Лаи, британски државјанин, беше осуден на највисоката казна според контроверзниот закон за национална безбедност, за кој Кина вели дека е неопходен за стабилноста на градот.

Медиумскиот тајкун често го користел својот продемократски весник Apple Daily како средство за протест, а шест поранешни раководители на весникот беа осудени на затворски казни од шест до 10 години заедно со него.

Велика Британија ги повика кинеските власти да го ослободат Лаи, додавајќи дека ќе соработува со Кина „многу наскоро“, објави Би-Би-Си, но додаде дека портпаролот на кинеското Министерство за надворешни работи Лин Џиан јасно ја ставил до знаење поддршката на Кина за властите во Хонг Конг во одржувањето на националната безбедност.

Себастијан Лаи, син на осудениот бизнисмен, изјави за Би-Би-Си дека 20-годишната затворска казна за неговиот татко, 78, е практично смртна казна.

Амнести Интернешнл ја осуди одлуката на судот во Хонг Конг донесена утрово, нарекувајќи ја темно поглавје во трансформацијата на административната единица од владеење на правото во владеење на страв.

Европската унија, исто така, го изрази својот негодување поради 20-годишната затворска казна на Лаи.

„Апелираме за итно и безусловно ослободување на Џими Лаи, земајќи ги предвид неговата напредна возраст и здравје. Политички мотивираното гонење на Џими Лаи и поранешните раководители и новинари на Apple Daily му штети на угледот на Хонг Конг“, се вели во соопштението.

Европската унија ги повикува властите на оваа административна единица на Кина да ја вратат довербата во слободата на печатот,

еден од столбовите на нејзиниот историски успех како меѓународен финансиски центар, и да го запрат гонењето на новинарите.