Лавров откри дека водат тајни преговори со европски лидери

Топ Вести - Слушај сега

Москва е во таен контакт со некои европски лидери и разговараме за прекинување на војната на Русија против Украина, откри рускиот министер за надворешни работи Сергеј Лавров.

- Advertisement -

– Нема да го кријам тоа, ние сме во контакт со некои европски лидери. Тие се јавуваат и бараат овие разговори да останат тајни. Некои дури доаѓаат тука. И така тие одржуваат таен контакт – рече Лавров во интервју за РТ.

Лавров додаде дека изјавите на европските лидери „за време на овие приватни, доверливи контакти“ не се разликуваат од она што го кажуваат јавно.

– Ова се истите повици: „Да го завршиме ова“, „нешто мора да се направи – рече тој.

Тој вели дека Европа зазела „бескомпромисен став“ дека Русија мора да претрпи „стратешки пораз“.

– Нивната позиција е следнава: Украина не смее да изгуби, Русија не смее да победи, во спротивно Европа ќе го изгуби угледот. Сè што прават сега е насочено кон спречување и нарушување на преговорите што се чини дека штотуку започнуваат меѓу Американците и нас, а сега се вклучуваат и украински претставници – истакна Лавров.

Според соопштението од трилатералните разговори одржани во Абу Даби на 4 и 5 февруари, делегациите на САД, Украина и Русија разговарале за методите за спроведување на прекин на огнот и следење на прекинот на непријателствата.

По овие разговори, САД и Русија се согласија да го продолжат воениот дијалог на високо ниво. Украинскиот претседател Володимир Зеленски во вечерното обраќање на 5 февруари изјави дека веќе се планираат понатамошни состаноци како дел од процесот на преговори и дека тие веројатно ќе се одржат во САД.