Царинската управа минатата година поднела вкупно 213 кривични пријави против 443 физички и 160 правни лица до Основното Јавно Обвинителство и до Обвинителството за гонење организиран криминал и корупција

Топ Вести - Слушај сега

Царинската управа минатата година поднела вкупно 213 кривични пријави против 443 физички и 160 правни лица до Основното Јавно Обвинителство и до Обвинителството за гонење организиран криминал и корупција. Во 196 случаи е утврдена штета врз Буџетот од 102 милиони денари или околу 1,6 милиони евра.

- Advertisement -

Бројот на поднесени кривични пријави поднесен од Одделението за истраги при Секторот за контрола и истраги е зголемен за повеќе од двојно споредбено со 2024 година, кога била поднесена 91 кривична пријава, при што најголем дел од поднесените кривични пријави, дури 80 проценти, биле евидентирани од октомври.

За неовластено производство и пуштање во промет наркотични дроги се спроведени истраги и поднесени се 7 кривични пријави, за криумчарење 40 пријави, за царинска измама 39, за фалсификување исправа 85, а за недозволено тргување со оружје поднесени се седум кривични пријави. Поднесени се и кривични пријави за злоупотреба на службена положба и овластување, вршење меѓународен јавен превоз без поседување лиценца, како и за избегнување плаќање акциза. Дури 103 од поднесените кривични пријави се поднесени за сторени кривични дела со 232 возила.

Во текот на предистражните дејствија од страна на службата против економски криминал при проверка на докази за потекло, до странски служби испратени се 450 барања, при што во 223 случаи е утврдено дека доказите за потекло се невалидни.

Со странски служби извршена е и 71 проверка на увозни фактури. Службата за финансиски истраги отворила 15 финансиски истраги против 19 физички и девет правни лица, при што целта е детекција и конфискација на нелегално стекнат имот, а со тоа и дестабилизација на криминалните групи.