Кинески тим претстави робот со хуманоидна големина, способен да трча со брзина од 10 метри во секунда, побрзо од повеќето луѓе

Топ Вести - Слушај сега

Кинески тим претстави робот со хуманоидна големина, способен да трча со брзина од 10 метри во секунда, побрзо од повеќето луѓе.

- Advertisement -

Роботот, наречен „Болт“, по легендарниот спринтер Јусеин Болт, е развиен од Институтот за хуманоидни иновации на Универзитетот Жеџијанг во Источна Кина, во соработка со компаниите Mirror Me и Kaierda од градот Хангжу.

Според развивачите, овој успех претставува значаен пробив во контролата на движењето на роботите, динамичката рамнотежа и високо-перформансните системи за погон, објавува Синхуа.

Видео објавено на YouTube и други платформи го прикажува основачот и извршен директор на Mirror Mi, Ванг Хонгтао, како се трка со црвено обоениот робот „Болт“.

Роботот правел пократки чекори од Ванг, но развил поголема фреквенција и на тој начин успеал да се движи со побрзо темпо на лентата за трчање.

Минатата година, кинеските експерти поставија рекорд за брзина за четириножни роботи со моделот „Црн Пантер“, кој ја надмина брзината од 10 метри во секунда.

Минатиот август, во Пекинг се одржа првото Светско првенство на хуманоидни роботи, каде што моделот „Тиен кунг“ победи во трката на 100 метри со време од 21,5 секунди.

Јамајканскиот спринтер Јусеин Болт го држи светскиот рекорд на 100 метри со 9,58 секунди, поставен на Светското првенство во Берлин во 2009 година, како и светскиот рекорд на 200 метри со 19,19 секунди,