Непознато лице синоќа фрлило експлозивна направа врз вилата на познатиот пејач Здравко Чолиќ, во елитната белградска населба Дедиње

Топ Вести - Слушај сега

Непознато лице синоќа фрлило експлозивна направа врз вилата на познатиот пејач Здравко Чолиќ, во елитната белградска населба Дедиње.

- Advertisement -

Според српските медиуми, Здравко, неговата сопруга Сандра и ќерката Лара биле во куќата во моментот на детонацијата.

Првичните информации укажуваа на помала штета, но, како што известуваат српските медиуми, најновите податоци од истрагата откриваат дека ситуацијата е посериозна. Покрај штетите на фасадата и на масивната ограда, шрапнели се забиени и во паркираните возила, чии стакла се искршени.

Соседите велат дека експлозијата била толку силна што се активирале алармните системи на возилата преку улицата.

Увидот на лице место сè уште е во тек, а го води обвинителот на Вишото јавно обвинителство во Белград.

Полицијата го блокира пристапот до улицата, а форензичките експерти се обидуваат да изолираат траги од ДНК од остатоците од експлозивната направа.