Германецот кој го поддржуваше бомбардирањето на Југославија: Мораме да развиеме сопствена атомска бомба

Топ Вести - Слушај сега

Поранешниот германски министер за надворешни работи од Зелената партија, Јошка Фишер, за „Тагешшпигел“ изјави дека Европа мора да развие сопствена атомска бомба, тврдејќи дека нуклеарното оружје е клучот за суверенитетот, објави денес порталот „Неуклеарна перспектива“.

- Advertisement -

Аргументот на Фишер е дека американскиот „нуклеарен чадор“ повеќе не е безбедна и дека Германија, заедно со своите европски партнери, мора да ја преземе водечката улога во нуклеарното вооружување.

Иконата на германските Зелени повикува Европа да биде вооружена со атомски бомби, а човекот чија партија со децении водеше војна против мирната нуклеарна енергија сега го гледа нуклеарното оружје како „спас“, објавува порталот, додавајќи изјава на хемичарот Рајнер Мурман дека Германија е способна да произведе атомска бомба во рок од само три години.

Фишер и војната во Косово
Како германски министер за надворешни работи (1998–2005), Фишер одигра клучна улога во Косовската војна во 1999 година, насочувајќи ја пацифистичката Зелена партија и Германија кон поддршка на воената интервенција на НАТО против Југославија. Тој тврдеше дека интервенцијата е неопходна за да се запре етничкото чистење и геноцидот и беше познат по тоа што се спротивставуваше на пасивната неинтервенција.