БИСЛИМОСКИ И РКЕ ЌЕ СОРАБОТУВААТ СО ИНСТИТУЦИИТЕ ЗА РАСЧИСТУВАЊЕ НА СЛУЧАЈОТ „ТРИТЕРОЛ ПЕТРОЛ“

Топ Вести - Слушај сега

Регулаторната комисија за енергетика (РКЕ) и претседателот Марко Бислимоски се отворени за соработка со сите институции со цел да се расчисти посочениот случај кој е споделен во јавноста од страна на Финансиската полиција.

- Advertisement -

Ова е ставот на Комисијата по информацијата на Финансиската полиција  дека поднела кривична пријава против претседателот на РКЕ Марко Бислимоски .

РКЕ ја информира јавноста дека во конкретниот случај за постапката за одземање на лиценца на компанијата „Тритерол Петрол“ е постапено согласно Законот за енергетика и Правилникот за лиценци, со тоа што на ист начин и во исти рокови е постапено и за други компании баратели на лиценци.

Оттаму додаваат дека Комисијата нема да коментира детали со цел да остави институциите на системот професионално да си ја вршат работата.