Голема штета во штала во Струмичко

Топ Вести - Слушај сега

Надојдената вода од реката Тркања вчера попладне однесе 120 јагниња и 100 овци од шталата на Никола Колев во селото Костурино, лоцирана на местото „Шепово“.

- Advertisement -

Според сопственикот, сѐ се случило за помалку од 10 минути, а надојдената вода влечела сѐ пред себе.

– Од брзата и надојдена вода, која достигна над два метра, не успеавме да ја отвориме шталата и да ги извадиме јагнињата и овците. Штетата е голема. Во еден момент постоеше опасност и нас да нѐ повлече водата, мене и брат ми Никола, но успеавме да се спасиме – раскажува Зоран Колев.

Тој денеска ја пријавил штетата во Општина Струмица, а загинувањето на јагнињата и овците го пријавил и кај другите надлежни служби, кои треба да излезат на терен и да ја утврдат висината на штетата.