Продолжуваат протестите во САД поради агентите на ICE и второто убиство за еден месец

Топ Вести - Слушај сега

Протестите продолжија во Минеаполис и други американски градови по убиството на 37-годишниот Алекс Прити за време на викендот од страна на агенти на Службата за имиграција и царина (ICE). Ова е второ убиство за помалку од еден месец во кое се вклучени агенти на ICE, кои добија задача од администрацијата на Трамп да се борат против нелегалните имигранти.

- Advertisement -

Гувернерот на Минесота, Тим Волц, рече дека Америка е на „пресвртна точка“ и повторно го повика Трамп да ги повлече федералните агенти за имиграција од Минеаполис.

Доналд Трамп одговори со повик до гувернерот да „ги предаде сите криминални нелегални имигранти“ кои се чуваат во државните затвори за да можат да бидат депортирани.

Шефот на полицијата во Минеаполис, Брајан О’Хара, изјави за Би-Би-Си дека федералните агенти им спречиле на државните службеници пристап до местото на пукањето, и покрај тоа што добиле налог за претрес.

Сите службеници за спроведување на законот во Минесота соработуваат со федералните власти „неколку години“, а случувањата во државата ја попречуваат можноста на агенциите да продолжат со своите истраги, додаде тој.

Трамп наговести во интервју за Волстрит џурнал дека можеби ќе ги повлече агентите на ICE од областа на Минеаполис, но не даде временска рамка.

„Тие ќе си заминат во одреден момент. Тие завршија феноменална работа“, рече Трамп.

Праводавците остануваат поделени околу убиството на Прети, како и неговото право да носи оружје заштитено со Вториот амандман.

Агентите на ICE го застрелаа 37-годишниот Прети на 24 јануари, тврдејќи дека имал пиштол со себе и се спротивставувал на апсењето.

Трамп објави фотографија од пиштолот пронајден кај лицето на Прети на Truth Social, пишувајќи: „За што се работи? Кој друг носи пиштол за да протестира?“

Администрацијата на Трамп го опиша Прети како „домашен терорист“. Противниците на Трамп и ICE тврдат поинаку.

Тие велат дека Прети никогаш не извадил пиштол и бил брутално третиран од агенти на ICE пред да биде застрелан на улица. Сведоците, локалните власти и семејството на жртвата рекоа дека Прети имал телефон во раката, а не пиштол.

Шефот на полицијата во Минеаполис рече дека Прети имал дозвола за носење оружје и, освен неколку сообраќајни казни, немал други прекршоци или криминално досие.